مخصوص نشستوں کے معاملے میں وفاقی حکومت کا پیپلزپارٹی کو اعتماد میں لینے کا فیصلہ
تحریک انصاف کو مخصوص نشستیں ملنے کے عدالتی فیصلے پر مسلم لیگ (ن) نے پیپلزپارٹی کے رہنماؤں کو اعتماد میں لینے کا فیصلہ کیا ہے۔تحریک انصاف کو مخصوص نشستیں ملنے کے عدالتی فیصلے پر وفاقی حکومت متحرک ہوگئی ہے۔ وزیراعظم شہباز شریف نے اتحادی جماعتوں کے ساتھ مشاورت کا آغاز کردیا ہے اور حکمران جماعت کی جانب سے ایک کمیٹی تشکیل دے دی گئی ہے۔
مسلم لیگ (ن) کے رہنما آج پیپلزپارٹی کی قیادت سے ملاقات کریں گے۔ مسلم لیگ (ن) کی نمائندگی اسحاق ڈار، ایاز صادق، اعظم نذیر تارڑ، عطاء تارڑ، عرفان قادر، اور احمد چیمہ کریں گے۔ اٹارنی جنرل منصور اعوان کیس سے متعلق اتحادی جماعت کو بریف کریں گے۔
پیپلزپارٹی کی جانب سے فاروق ایچ نائیک، شیری رحمان، اور نیر بخاری مذاکرات میں شریک ہوں گے۔ مسلم لیگ (ن) کے رہنما پیپلزپارٹی کو پی ٹی آئی پر پابندی اور تین رہنماؤں پر آرٹیکل 6 لگانے جانے کے معاملے پر وضاحت دیں گے۔
