سٹوڈنٹ موٹرسائیکل کیسے حاصل کر سکتے ہیں ؟
پنجاب حکومت نے چیف منسٹر یوتھ انیشیٹو کے تحت 20 ہزار موٹر سائیکلوں کی بلاسود اقساط پر فراہمی کے لیے رجسٹریشن کا آغاز کر دیا ہے۔
لاہور : پنجاب حکومت نے چیف منسٹر یوتھ انیشیٹو کے تحت 20 ہزار موٹر سائیکلوں کی بلاسود اقساط پر فراہمی کے لیے رجسٹریشن کے عمل کا باقاعدہ آغاز کر دیا ہے۔
حکومت نے طلباء سے کہا ہے کہ وہ جلد از جلد اس اسکیم میں رجسٹر ہوں کیونکہ اس مقصد کے لیے ایک آن لائن پورٹل شروع کیا گیا ہے۔
رجسٹریشن کے عمل کے بارے میں جاننے سے پہلے، آپ کو اسکیم سے متعلق درج ذیل عوامل کی جانکاری ضروری ہے .
انٹرسٹ فری بائیک اسکیم کیا ہے؟
وزیر اعلیٰ پنجاب مریم نواز نے تعلیم دوست اقدام کا آغاز کیا، جس کے لیے حکومت نے بینک آف پنجاب کے ساتھ تعاون کیا ہے۔
اسکیم کے تحت 19,000 پیٹرول موٹر سائیکلیں اور 1,000 الیکٹرک بائیکس طلباء میں تقسیم کی جائیں گی، جن کا انتخاب قرعہ اندازی کے ذریعے کیا جائے گا۔ اس اسکیم میں طالبات کے لیے مخصوص کوٹہ ہے۔
انیس ہزار پیٹرول بائیکس میں سے 11,676 مرد طلباء اور 7,324 طالبات کے لیے ہیں۔
ایک ہزار الیکٹرک بائیکس میں سے 700 مرد طلباء اور 300 طالبات کے لیے مختص کی گئی ہیں۔
کون سے طلباء موٹر سائیکل سکیم کے لئے اہل ہیں؟
فیز 1 میں، ڈگری کالج/یونیورسٹی کے باقاعدہ طلباء، جو کہ ایچ ای سی کے ذریعہ تسلیم شدہ ہیں، بلا سود موٹرسائیکل اسکیم کے لیے رجسٹر کر سکتے ہیں۔
ابتدائی طور پر یہ سکیم فیصل آباد، ملتان، بہاولپور، راولپنڈی اور لاہور میں شروع کی جائے گی۔
سود سے پاک موٹر سائیکل اسکیم کے لیے اہلیت کا معیار؟
یہ صوبہ بھر کے 800,000 سے زائد طلباء کے لیے اپنی ٹرانسپورٹ حاصل کرنے کا بہترین موقع ہے۔
درخواست دہندہ کا18 سال سے زیادہ عمر کا ہونا ضروری ہے۔
ایچ ای سی کے ذریعہ تسلیم شدہ ڈگری کالج/یونیورسٹی کا باقاعدہ طالب علم ہونا ضروری ہے۔
ایک درست موٹرسائیکل لرنرز پرمٹ/ ڈرائیونگ لائسنس کا حامل ہونا ضروری ہے۔
مختص کوٹے سے زائد درخواستوں کی وصولی کی صورت میں ای بیلٹنگ کی جائے گی۔
سود سے پاک موٹر سائیکل اسکیم کے لیے کہاں رجسٹر کریں؟
اہل طلباء کو رجسٹریشن کا عمل شروع کرنے کے لیے اس لنک پر کلک کرنے کی ضرورت ہے۔
(https://bikes.punjab.gov.pk/
انہیں رجسٹریشن کے صفحے پر اپنا پورا نام، ای میل پتہ CNIC اور جنس کی تفصیلات درج کرنے کی ضرورت ہے اور بعد میں وہ درخواست کا عمل شروع کرنے کے لیے اپنا پاس ورڈ بنائیں گے۔
موٹر سائیکل اسکیم کے لیے آن لائن درخواست کیسے دی جائے؟
رجسٹریشن مکمل کرنے کے بعد، آپ کو موٹرسائیکل کے لیے آن لائن درخواست دینے کے لیے فارم پُر کرنا ہوگا۔ یہاں، آپ پیٹرول یا الیکٹرک موٹر سائیکلوں کے درمیان انتخاب کریں گے۔ اپلائی کرنے کے لیے یہ لانگین ہے
https://bikes.punjab.gov.pk/login
