لاہور ( شوبز ڈیسک ) اداکارہ و ماڈل مائرہ خان نے شوبز شخصیات کو منافق قرار دے دیا۔ مائرہ خان حال ہی میںایک ٹی وی شو کی مہمان بنیں جہاں انہوں نے اپنی ذاتی اور پیشہ ورانہ زندگی پر بات چیت کی۔شو کے ایک سیگمنٹ کے دوران میزبان نے ان سے کہا کہ وہ ایک لفظ کا استعمال کرتے ہوئے شوبز شخصیات کو بیان کریں۔اداکارہ نے فوری جواب دیتے ہوئے ”منافق“ کہا۔مائرہ خان نے یہ بھی دعوی کیا کہ آج کے ڈراموں میں بہت زیادہ لڑائی اور منفی چیزیں دکھائی جاتی ہے۔ ان کا کہنا تھا کہ ڈراموں میں بھی سیاست ہی دکھائی جارہی ہے۔ملکی سیاسی صورتحال پر اپنے خیالات کا اظہار کرتے ہوئے اداکارہ نے کہا کہ سیاست دان سیاست کم اور ڈراما زیادہ کرتے ہیں۔