تینوں ملزموں کا مزید جسمانی ریمانڈ دینے کی استدعا مسترد

لاہور (ہم عوام آن لائن) انسداد دہشت گردی عدالت نے اچھرہ میں خاتون پر حملہ اور خوف و ہراس پھیلانے کے مقدمہ میں تینوں ملزموں کا مزید جسمانی ریمانڈ دینے کی استدعا مسترد کر دی،تینوں ملزمان کو جوڈیشل ریمانڈ پر جیل بھیج دیا-پولیس نے ملزموں کا جسمانی ریمانڈ ختم ہونے پر انہیں عدالت میں پیش کیا اور مزید جسمانی ریمانڈ دینے کی درخواست دی. انسداد دہشت گردی عدالت کے جج ارشد جاوید نے درخواست پر سماعت کی تفتیشی افسر نے بتایا کہ ابھی تفتیش مکمل نہیں ہوئی اس لیے مزید جسمانی ریمانڈ دیا جائے. تفتشی افسر کے مطابق ملزموں سے ڈنڈے سوٹے برآمد کرنے ہیں اور دیگر شریک ملزموں کی معلومات حاصل کرنی ہے. عدالت نے جسمانی ریمانڈ کی درخواست مسترد کر دی. عدالت نے محمد ندیم? عادل سرور اور التمش ثقلین کو 14 دنوں کے جوڈیشل ریمانڈ پر جیل بھیج دیا. ملزموں کیخلاف تھانہ اچھرہ میں مقدمہ درج ہے۔