’چار دناں دی دنیا اے کجھ کھا لے پی لے موج اڑا، سب کچھ پانی دا بلبلہ‘ گا کر سشہرت کے عروج پر پہنچنے والے لہوری نامور اداکار ،گلوکار یعقوب عاطف 78 برس کی عمر میں انتقال کر گئے، یعقوب عاطف جو` بلبلہ` کے نام سے بھی مشہور تھے، دو ماہ سے فالج کا شکار تھے۔
مرحوم کو سینکڑوں سوگواروں کی موجودگی میں نماز جنازہ کے بعد گڑھی شاہو قبرستان میں سپردخاک کر دیا گیا۔ یقعوب عاطف نے پانی دا بلبلہ گاکر شہرت کی بلندیوں کو چھوا۔ اس سادہ سے گیت کے ٹھیٹ لہوری لہجہ اور برجستہ کلام کے ساتھ پاکستان ٹیلیویژن کی لیجنڈری پیشکش نے عوام کو اس گیت اور اس کےگانے والے دونوں کا مداح بنا دیا تھا۔وہ 25 سال سے زائد عرصہ تک شوبز کے ساتھ وابستہ رہے۔
